മേപ്പയ്യൂര്: ആവള മഠത്തില്മുക്കില് അനാശാസ്യ പ്രവര്ത്തനം നടക്കുന്ന വീട് മേപ്പയ്യൂര് പൊലീസ് റെയ്ഡ് ചെയ്ത് വീട്ടുടമയും യുവതിയും ഉള്പ്പെടെ 5 പേരെ അറസ്റ്റ് ചെയ്തു. ഞായറാഴ്ച മൂന്നു മണിയോടെയാണ് സംഭവം. വീട്ടുടമ കുനിയില് കുഞ്ഞികൃഷ്ണന് നമ്പ്യാര്, മലയില് വിനീഷ്, ചേരിപ്പൊയില് മണ്ണില് രാഗേഷ്, ചക്കിട്ടപാറ പൊന്മലപ്പാറ കാവില് ഷാജില് എന്നിവരാണ് അറസ്റ്റിലായത്.
ഇവരോടൊപ്പം നരിക്കുനി സ്വദേശിനിയായ 19-കാരിയെയും അറസ്റ്റ് ചെയ്തിട്ടുണ്ട്. വീട്ടുമുറ്റത്തുനിന്ന് മോട്ടോര് സൈക്കിളും ഓട്ടോറിക്ഷയും പൊലീസ് കസ്റ്റഡിയിലെടുത്തു. ഈ വീട് കേന്ദ്രീകരിച്ച് അനാശാസ്യവും മദ്യവില്പനയും സ്ഥിരമായി നടക്കാറുണ്ടെന്ന് നാട്ടുകാര് പരാതിപ്പെട്ടു.
No comments