സീരിയൽ കണ്ട്
കണ്ട് കറന്റ് ബിൽ കൂട്ടി കൊണ്ടേയിരിക്കുന്ന പെണ് പ്രജകളെ, നിങ്ങൾതബസ്സമിനെ കണ്ട് പഠിക്കൂ.
മധുരമൂറും കേക്ക് ലോകത്ത് വ്യത്യസ്ഥതയുടെ അതിമധുരം വിളമ്പി കാശ് സമ്പാദിക്കുകയാണ്
തബസ്സം ഹാരിസ് എന്ന തിരുവനന്തപുരത്തുകാരി വീട്ടമ്മ.
തന്റെ കല്ല്യാണത്തിനു മുമ്പാണ് തബസ്സം
ആദ്യത്തെ കേക്ക് ഉണ്ടാക്കുന്നത്. ഡെസേർട്സ് ഉണ്ടാക്കുന്നതിൽ തബസ്സമിന് പ്രത്യേക കഴിവായിരുന്നു. നമ്മുടെ സ്ത്രീ ജനങ്ങൾ സീരിയൽകണ്ട് കണ്ണീരൊഴുക്കുമ്പോൾ തബസ്സം ട്രാവൽ ആൻഡ് ലിവിങ്ങിലെ ‘ഇന്ക്രടിബിൾ കേക്ക്സ്’കണ്ട് വായിൽ വെള്ളമൂറുകയായിരുന്നു.
“ സത്യത്തിൽ ഞാനും ഉമ്മയും ഒരു നേരം പോക്കിന് വേണ്ടി തുടങ്ങിയതാണ്, ടി
വിയിൽകാണുന്ന പോലത്തെ ആകർഷകമായ കേക്കുകൾ ഉണ്ടാക്കാൻ ഒരുപാട് പഠിക്കണം എന്നൊക്കെയാണ് ഞങ്ങൾ കരുതിയത്. കല്യാണത്തിന് മുൻപ് ഞാനൊരു ടീച്ചർ ആയിരുന്നു. അന്നൊന്നും ഇത്തരം പരീക്ഷണങ്ങൾ നടത്താൻ ഒഴിവ് സമയം ലഭിച്ചിരുന്നില്ല.
കല്യാണത്തിന് ശേഷം ഫ്രീ ആയപ്പോഴാണ് ഞാൻ ഇത്തരം പരീക്ഷണങ്ങൾക്ക് മുതിരുന്നത്.”
വെറും ഒരു ഹോബിയായി കണ്ടിരുന്ന കേക്ക്
ഉണ്ടാക്കൽ നല്ലൊരു ബിസിനസ് ആക്കി
മാറ്റാൻപ്രോത്സാഹിപ്പിച്ചത് തന്റെ പ്രിയ ഭർത്താവ് അനീസ് ആണെന്ന് തബസ്സം സാക്ഷ്യപ്പെടുത്തുന്നു.
“എന്റെ പാചക പരീക്ഷണങ്ങളൊക്കെ അനീസിന് നല്ല
ഇഷ്ട്ടമായിരുന്നു. അപ്പോഴാണ് എന്ത് കൊണ്ട് കേക്ക് ഉണ്ടാക്കിക്കൂടാ എന്ന് ഞാൻ
ചിന്തിക്കുന്നത്. അനീസിന് കേക്ക് അത്ര ഇഷ്ട്ടമല്ലേലും ഞാനുണ്ടാക്കിയ
കേക്ക് വളരെ ഇഷ്ട്ടപ്പെട്ടു. അതെനിക്കുള്ള ഗ്രീൻ സിഗ്നൽആയിരുന്നു.ഇന്നും ഓർഡർ വരുമ്പോൾ അനീസ് എന്നെ കേക്ക് ഉണ്ടാക്കുന്നതിൽസഹായിക്കാറുണ്ട്. അദ്ദേഹമില്ലായിരുന്നെങ്കിൽ ഇതിങ്ങനെ ആവില്ലായിരുന്നു,” ഒരു ചെറു പുഞ്ചിരിയോടെ തബസ്സം പറഞ്ഞു.
ആദ്യത്തെ കേക്ക് പരീക്ഷണത്തിന് ശേഷം തബസ്സം
സ്ഥിരമായി കേക്ക് ഉണ്ടാക്കാൻ തുടങ്ങി. പിന്നെ നല്ല
രീതിയിൽ ഉണ്ടാക്കാം എന്നായപ്പോളാണ്
കേക്ക് അലങ്കരിക്കാൻ തുടങ്ങിയത്. ”പാചക
പുസ്തകം നോക്കിയും ഇന്റർനെറ്റ് നോക്കിയുമൊക്കെയായിരുന്നു പരീക്ഷണങ്ങൾ. ഉമ്മയും കുറിപ്പുകൾ അയച്ച്
തരുമായിരുന്നു. ഒടുവിൽ കേക്ക് നല്ല രീതിയിൽ ഉണ്ടാക്കാം എന്നായപ്പോൾ അടുത്ത
സ്റ്റെപ്പ് നല്ല രീതിയിൽ അലങ്കരിക്കുക
എന്നതായിരുന്നു.” അങ്ങനെ തബസ്സം കപ്പ് കേക്ക് നിർമ്മാണം തുടങ്ങി, ടി.എച് കപ്പ് കേക്ക്സ് എന്ന് പേരും ഇട്ടു.
മറ്റു കേക്കുകളിൽ നിന്നും ടി.എച് കേക്കുകൾ വ്യത്യസ്തമാണ്, കാരണം
ആ കേക്കുകൾക്കെല്ലാം പിന്നിൽ ഒരു
കഥയുണ്ട് , കേക്കിന്റെ മധുരത്തിനൊപ്പം തബസ്സം ഹാരിസ്
പറയാൻ ആഗ്രഹിക്കുന്ന കഥകൾ.
“ഞാൻ മുന്നേ
തന്നെ ഓയിൽ പെയിന്റിംഗ്
ചെയ്യുമായിരുന്നു, അത് കൊണ്ട് അലങ്കരിക്കൽഒരു ബുദ്ധിമുട്ടുള്ള പണിയായിരുന്നില്ല. പരമ്പരാഗതമായ ബട്ടർ ക്രീം മാത്രം ഉപയോഗിച്ച് അലങ്കരിക്കാൻ എനിക്ക് ഇഷ്ടമായിരുന്നില്ല. അത് കൊണ്ട് ഞാൻ ഫൊണ്ടന്റ് ക്രീമും ഉപയോഗിച്ചു. ഷുഗർ ഫോണ്ടന്റ് ഉപയോഗിച്ച് ഞാൻ പറയാൻ ആഗ്രഹിച്ച കാര്യങ്ങൾഎന്റെ കേക്കിൽ കൊണ്ട് വരാൻ സാധിച്ചു.
ക്രീമിലാവുമ്പോൾ കൈ ഉപയോഗിച്ച് ചെയ്യാൻപറ്റില്ല, ഫൊണ്ടന്റ് ആവുമ്പോൾ ക്ലേ മോഡലിംഗ് ചെയ്യുന്നത് പോലെ തന്നെയാണ്. ഞാൻഉദ്ദേശിക്കുന്ന മോഡലുകൾ ഉണ്ടാക്കാൻ ഇതെന്നെ സഹായിച്ചു.”
പണം കൊടുത്താൽ എത് തരം കേക്കുകളും ലഭിക്കുമെങ്കിലും നമ്മുടെ നാട്ടിൽ ഫോണ്ടന്റ് കേക്കുകൾ വിതരണം ചെയ്യുന്നവർ അധികമില്ലെന്ന് തബസ്സം പറയുന്നു.
എന്റെ കേക്കുകൾക്കെല്ലം ഒരു കഥ പറയാനുണ്ട്. ഓരോ ആഘോഷ വേളകൾക്കുമായി പ്രത്യേകം തയ്യാറാക്കുന്നതാണ് ഇത്. അതിനെല്ലാം ഉപരിയായി
ഇത് വീട്ടിൽ തന്നെ ഉണ്ടാക്കുന്നതാണ്.” പണമുണ്ടാക്കലല്ല
ഇത് തന്റെ ഹോബി മാത്രമാണെന്നും തബസ്സം അടിവരയിടുന്നു.
കടകളിൽ ലഭിക്കുന്ന
സാധാരണ കേക്കുകൾ പോലെ അല്ല
ടി.എച് കേക്കുകൾ , അത് കൊണ്ട് തന്നെ വിലയിലും ആ
മാറ്റം ഉണ്ടാവുമെന്ന് തബസ്സം പറയുന്നു. ” എന്ത് കൊണ്ടാണ് കേക്കുകൾക്ക് വില ഇത്ര കൂടുതൽ എന്നാണ്
പലരും ചോദിക്കുന്നത്. പക്ഷെ വ്യത്യസ്ഥമായത് വേണം എന്നാഗ്രഹിക്കുന്നവർ ഇത് തന്നെ
തിരഞ്ഞെടുക്കും.”
കേക്കുകൾ ഉണ്ടാക്കുന്നതിനാവശ്യമായ സാധനങ്ങളിൽ അധികവും ഇറക്കുമതി ചെയ്യുന്നതാണെന്ന് തബസ്സം പറയുന്നു. കൂടാതെ ഫോണ്ടന്റ്
പേസ്റ്റിനും കളറിനുമെല്ലാം ഒരുപാട് ചെലവ് വരുന്നതായും തബസ്സം പറയുന്നു.
ഇതിനെല്ലാമുപരിയായി ടി.എച്ച് കേക്കിൽമാർഗരൈൻ ഉപയോഗിക്കുന്നില്ല , പകരം
ബട്ടർ ആണ് ഉപയോഗിക്കുന്നത്.
തബസ്സമിന്റെ കേക്കുകൾക്ക് കുറച്ച് വില കൂടുതലാണെങ്കിലും അതിന്
കാരണമുണ്ടെന്ന് മനസിലായല്ലോ?
അപ്പോൾ വ്യത്യസ്തമായ
കേക്കുകൾ കൊണ്ട് നിങ്ങളുടെ ആഘോഷ
വേളകളെ മധുരതരമാക്കണമെങ്കിൽ തബസ്സം ഇവിടെയുണ്ട്..
നിങ്ങൾ തിരുവനന്തപുരത്താണ്
താമസം എങ്കിൽ tabassum.harris@gmail.com എന്ന
ഇ മെയിൽ അഡ്രസ്സിൽ നിങ്ങൾക്ക് ഓർഡർനല്കാം.
No comments